sonniu muntagnolu

Qual'hè ch'un hà sunniatu
D'ess'un ghjornu un acellu,
Di bulà sempri più altu
A a ricerca di i stelli.

Scuprendu sanna a natura
A carrezza di l'aria pura,
Basgiendu ancu a virdura
Di i lochi i più oscuri.

Discitatu per l'alba turchina
Chì si batti cù l'horizonti
A sgaghjà torna una via
Pà u Rè soli trà i monti.

Mà azzicatu da u ventu
Chì sdramina i so lamenti
Senti risunnà tanti pienti
L'anima trista di i surghjenti.

T'allegrani tutt'i tesori
Di prati suminati à fiori
A furesta piena à rimori
Bagna a to' vista di culori.

Se tù ti ricunnosci ò corsu
A l'accellu di sta canzona
Parti fieru carcu à passioni
A l'assaltu di pinzaloni
A scopra muntagni è nivoni.